World Best Roads : जगभरात अशी अनेक ठिकाणे आहेत, ज्यांचे सौंदर्य आपण तिथे गेल्यावर अनुभवू शकतो. पण आज आम्‍ही तुम्हाला सुंदर ठिकाणांबद्दल नाही तर अप्रतिम रस्त्यांबद्दल सांगणार आहोत. या रस्त्यांबद्दल जाणून घेतल्यावर तुम्हाला नक्कीच या सुंदर रस्त्यांना भेट देण्याची इच्छा निर्माण होईल.
1) मिलफोर्ड रोड
न्यूझीलंडमधील सर्वोत्तम रस्त्यांपैकी एकाचे नाव मिलफोर्ड रोड आहे. इथं पोहोचायचं म्हणजे डोंगरावरून जावं लागतं. जर तुम्ही या रस्त्यांवरून कार किंवा दुचाकीने गेलात तर तुम्हाला या रस्त्याचे सौंदर्य पाहायला मिळेल. तुम्ही आयुष्यात एकदा तरी या ठिकाणाचे सौंदर्य अवश्य पहा.
2) अटलांटिक रोड
जगातील सर्वात खतरनाक रस्त्यांमध्ये या रस्त्याचे नाव देखील समाविष्ट आहे. नॉर्वेचा प्रेक्षणीय द अटलांटिक रोड अतिशय खास आहे. हा रस्ता सुमारे 8.3 किलोमीटर लांबीचा आहे. हा रस्ता अनेक छोट्या बेटांवर बांधला आहे. 1986 पासून, नॉर्वेजियन अटलांटिक रोड कंट्री रोड 64 म्हणून बांधण्यात आला.
3) ब्लॅक फॉरेस्ट
ब्लॅक फॉरेस्ट रोड हा जगातील सर्वात प्रेक्षणीय रस्त्यांपैकी एक आहे. येथे गेल्यावर अनेक ऐतिहासिक वास्तू पहायला मिळतील. हा रस्ता जर्मनीमध्ये असून त्याचे सौंदर्य पाहण्यासाठी दरवर्षी लाखो लोक येतात.
4) लेह मनाली रोड
भारतातील लेह मनाली महामार्ग हा जगातील सर्वात अद्वितीय आणि सुंदर मार्गांमध्ये येतो. इथून पर्वतांचे दृश्य अतिशय सुंदर आणि प्रेक्षणीय दिसते. बाईक रायडर्सना येथे जायला आवडते कारण त्यांच्यासाठी हे ठिकाण एखाद्या साहसापेक्षा कमी नाही.
5) ग्रेट ओशन रोड
ग्रेट ओशन रोड ऑस्ट्रेलियामध्ये आहे. हा रस्ता 243 किमी लांबीचा आहे. दक्षिण पूर्व किनार्‍याशी जोडलेला हा मार्ग टॉर्के आणि अल्फोर्ड यांना जोडतो. याच्या रस्त्यालगत अनेक झाडे लावली आहेत, ज्यामुळे त्याचे सौंदर्य आणखी वाढते.