महिंद्रा स्कॉर्पियो क्लासिक की महिंद्रा स्कॉर्पियो एन, कोणती आहे बेस्ट?; बघा…

Mahindra Scorpio N vs Mahindra Scorpio Classic : तुम्ही सध्या कार घेण्याचा विचार करत असाल तर आम्ही तुमच्यासाठी दोन उत्तम पर्याय घेऊन आलो आहोत, ते म्हणजे Mahindra Scorpio N आणि Mahindra Scorpio Classic या दोन्ही SUV बाजारात 11.99 लाख रुपयाला उपलब्ध आहेत. जर तुम्हालाही स्कॉर्पिओ खरेदी करायची असेल परंतु या दोघांपैकी कोणती खरेदी करायची हे समजत नसेल, तर आज आम्ही दोन्ही गाड्यांची तुलना करणार आहोत, ज्यामुळे तुमच्यासाठी दोन्हीपैकी कोणती योग्य आहे हे ठरवणे तुम्हाला सोपे जाईल.

Mahindra Scorpio N vs Mahindra Scorpio Classic किंमत

या दोन्ही SUV ची सुरुवातीची एक्स-शोरूम किंमत सारखीच आहे. Scorpio Classic फक्त दोन प्रकारांमध्ये ऑफर केली जाते, बेस मॉडेल (S) ची किंमत 11.99 लाख रुपये (एक्स-शोरूम) आहे. तर त्याचे टॉप मॉडेल (S11) 15.49 लाख रुपये (एक्स-शोरूम) आहे.

Scorpio-N ची प्रारंभिक एक्स-शोरूम किंमत 11.99 लाख रुपये आहे, तर तिचा टॉप व्हेरियंट 23.90 लाख रुपये (एक्स-शोरूम) मध्ये उपलब्ध आहे. म्हणजेच, दोन्ही कारच्या टॉप व्हेरियंटच्या किमतींमध्ये खूप फरक आहे.

Mahindra Scorpio N vs Mahindra Scorpio Classic परिमाण

महिंद्रा स्कॉर्पिओ क्लासिक 2022 ची उंची 1,995 मिमी, लांबी 4,456 मिमी, रुंदी 1,820 मिमी आणि तिचा व्हीलबेस 2,680 मिमी आहे. याला 17-इंचाचा रिम मिळतो.

स्कॉर्पिओ-एन ची लांबी 4,662 मिमी, रुंदी 1,917 मिमी, उंची 1,857 मिमी आणि 2,750 मिमी चा व्हीलबेस आहे. या SUV मध्ये 18-इंचाचे अलॉय व्हील्स देण्यात आले आहेत.

Mahindra Scorpio N vs Mahindra Scorpio Classic वैशिष्ट्ये

स्कॉर्पिओ क्लासिकमध्ये फारच कमी वैशिष्ट्ये आहेत. यात ऑटोमॅटिक क्लायमेट कंट्रोल, क्रूझ कंट्रोल, रिव्हर्स पार्किंग कॅमेरा, 9-इंच टचस्क्रीन इन्फोटेनमेंट सिस्टम, अँड्रॉइड ऑटो सपोर्ट, टीपीएमएस यांसारखी वैशिष्ट्ये आहेत. त्याचा टचस्क्रीन डिस्प्ले स्कॉर्पिओ एन पेक्षा एक पाऊल पुढे आहे.

Mahindra Scorpio-N मध्ये 12-स्पीकर सोनी 3D सराउंड साउंड सिस्टम, इलेक्ट्रिक सनरूफ, 8-इंच टचस्क्रीन इन्फोटेनमेंट सिस्टम, वायरलेस चार्जिंग, AdrenoX इन्फोटेनमेंट सिस्टम, ड्युअल-झोन ऑटोमॅटिक क्लायमेट कंट्रोल, शॉक शोषक यांसारख्या वैशिष्ट्यांचा समावेश आहे.

Mahindra Scorpio N vs Mahindra Scorpio Classic इंजिन

Scorpio Classic 2.2L mHawk टर्बोचार्ज्ड डिझेल इंजिन वापरते, जे 130 hp पॉवर आणि 300 Nm टॉर्क जनरेट करते. याला 6-स्पीड मॅन्युअल गिअरबॉक्ससह ऑफर केलेला एकमेव मागील 2WD पर्याय मिळतो.

महिंद्रा स्कॉर्पिओ-एन दोन इंजिनांद्वारे समर्थित असेल – 2.0L mStallion टर्बो-पेट्रोल, जे 172 hp पॉवर आणि 400 Nm टॉर्क निर्माण करते, आणि 2.2L mHawk टर्बो-डिझेल, जे 200 hp पॉवर निर्माण करते आणि 380 Nm पीक टॉर्क पर्याय दिलेला आहे. ही SUV 6 स्पीड ऑटोमॅटिक ट्रान्समिशन आणि 6 स्पीड मॅन्युअल ट्रान्समिशनच्या पर्यायात येते.