ह्युंदाई लवकरच बाजारात आणत आहे नवीन SUV; जाणून घ्या किंमत आणि वैशिष्ट्ये

Hyundai Santa-Fe : Hyundai Motors आपल्या पुढच्या पिढीतील एक SUV लवकरच बाजारात आणण्याच्या तयारीत आहे. कंपनीची पाचवी पिढी Hyundai Santa-Fe नुकतीच चाचणी दरम्यान दिसली आहे. या कारमध्ये अनेक मोठे बदल करण्यात येणार आहेत. ह्युंदाईच्या नव्या कारचा लूक लँड रोव्हर डिफेंडरसारखाच आहे. या वर्षाच्या अखेरीस कंपनी ही कार बाजारात आणू शकते. चला तर मग या नवीन Hyundai Santa-Fe मध्ये मिळणाऱ्या वैशिष्ट्यांबद्दल सविस्तर माहिती जाणून घेऊया-

Hyundai Santa-Fe डिझाइन

नवीन Hyundai Santa-Fe मध्ये तुम्हाला अधिक केबिन स्पेस पाहायला मिळेल. यासोबतच ते आधीच्या मॉडेलपेक्षा खूप लांब आणि उंच असेल. त्याला एक सपाट बोनेट मिळेल. कारच्या पुढील बाजूस चौकोनी हेडलॅम्प्स मिळतात आणि आता H-आकाराचे सिग्नेचर डेटाइम रनिंग लॅम्प देखील मिळतात. समोरच्या बंपरमध्ये अँगुलर थीम, लोखंडी जाळीखाली दोन चौरस आकाराचे फॉग लॅम्प, पार्किंग सेन्सर आणि कॅमेरा आणि ADAS सेन्सर फ्रंट बंपरमध्ये देखील दिसू शकतात. यासोबतच या नवीन Hyundai SUV मध्ये 22-इंचाचे मोठे अलॉय व्हील्स पाहायला मिळतील. परिमाणांबद्दल बोलायचे झाल्यास, या कारची लांबी सुमारे 5 मीटर असेल. याला उच्च ग्राउंड क्लीयरन्स आणि फ्री रिअर सस्पेंशन देखील मिळेल.

Hyundai Santa-Fe इंटिरियर

मिळालेल्या माहितीनुसार, नवीन Hyundai Santa-Fe चे इंटीरियर सॉफ्ट टच मटेरिअलने तयार करण्यात आले आहे ज्यामध्ये भरपूर लक्झरी टच आहे. यामध्ये स्क्वेरिश थीम अनेक स्क्रीन्सवर पाहायला मिळणार आहे. यासोबतच क्रूझ कंट्रोल, रियर पार्किंग सेन्सर कॅमेरा, एडीएएस, सनरूफ, 360 डिग्री कॅमेरा, एअरबॅग, डिजिटल इन्स्ट्रुमेंट क्लस्टर, मोठी टचस्क्रीन यांसारखी वैशिष्ट्येही पाहायला मिळतील.

Hyundai Santa-Fe किंमत

या कारच्या किमतींबाबत अद्याप कोणतीही माहिती मिळालेली नाही. पण असा अंदाज वर्तवला जात आहे की कंपनी 18 लाख रुपयांच्या सुरुवातीच्या एक्स-शोरूम किमतीत बाजारात लॉन्च करू शकते. यासोबतच ही कार लॉन्च होताच महिंद्रा XUV700 (Mhindra XUV 700) सारख्या वाहनांना थेट टक्कर देऊ शकते.